Indoda eyavuma icala lokubulala owayenguNobhala Jikelele wophiko lwentsha ye-African National Congress, uSindiso Magaqa, ugwetshwe odilikajele ababili.
USibusiso Ncengwa ume phambi kwenkantolo ebhekise phansi ikhanda ngesikhathi iJaji uNompumelelo Radebe ethula isigwebo eNkantolo eNkulu yaseMgungundlovu ngoMsombuluko.
“Icala lokuqala lokwakha itulo lokubulala, ugwetshwe iminyaka engu-25 ejele. Icala lesibili, lokubulala, ugwetshwe iminyaka engu-25 ejele. Icala lesithathu, ukuzama ukubulala, ugwetshwe iminyaka emihlanu. Icala lesine, ukuzama ukubulala, ugwetshwe iminyaka emihlanu ejele.
OLUNYE UDABA:Uyagwetshwa umbulali kaSindiso Magaqa
“Icala lesihlanu, ukuzama ukubulala, ugwetshwe iminyaka emihlanu ejele. Icala lesithupha, ukucekela phansi indawo, ugwetshwa iminyaka emithathu ejele. Icala lesishiyagalolunye, ukutholakala nesibhamu ngokungekho emthethweni, ugwetshwe iminyaka emihlanu ejele.”
Ulahlwe ngamacala angu-11. Inkantolo ithe izigwebo uzozidosna kanyekanye nokuchaza ukuthi uzodonsa iminyaka engu-25 ebhadle ejele, kusho isitatimende se-NPA.
Sithole ezinkundleni zokuxhumana
Landela kwi – WhatsApp Channel yethu Izwi Lomzansi 98.0fm
