Umholi we Action SA KwaZulu-Natal umnu Zwakele Mncwango uthi iqembu lakhe selibhalele usomlomo waseThekwini uCllr. Thabani Nyawose incwadi njengoba leqembu lifuna aphenye ngezinsolo zokucwasa ngokwebala.
Incwadi ebhalwe i Actionsa ithi emhlanganweni womkhandlu owawongomhlaka 6 November 2024 kunekhansela le ANC elakhuluma amazwi okucwasa ngokobuhlanga ebhekiswe kwelinye ikhansela lomdabu waseNdiya elalikhona kulomhlangano.Lekhansela le ANC kuvela ukuthi lakhipha amazwi aziswana lithi abaphindele kubo laba baseNdiya.I Actionsa ithi lamazwi okucwasa ayicala elikhulu kanti kuzomele usomlomo aphenye ngalesigameko.
“Amazwi aloluhlobo awanandawo emkhandlwini,ikakhulukazi emhlanganweni enjenganalena lapho kusuke kumelwe bonke abantu bezinhlanga ezahlukahlukene.” “Amazwi anjenganalawa awadali uqhekeko kuphela kodwa abukele phansi imigomo yokulingana nokusebenzisana eyafungelwa iwona wonke amakhansela” kusho incwadi ye Actionsa.
“Ngakho ke siyakucela ukuthi uqalise uphenyo olusemthethweni ngalesigameko.Siyakholelwa ukuthi loludaba kumele luthathelwe phezulu ukuze kuzobuya isithunzi somkhandlu kuphinde kuthumele umyalezo oqinile ukuthi izenzo zokucwasa azinandawo kulomkhandlu” kuphetha lencwadi.
